ကချင်ပြည်နယ်၊ ဖားကန့်မြို့နယ်၊ နမ့်ယားကျေးရွာအနီးတွင် ကချင်လွတ်လပ်ရေးတပ်ဖွဲ့နှင့် အာဏာသိမ်းစစ်ကောင်စီတပ်ဖွဲ့တို့အကြား တိုက်ပွဲများ ဆက်တိုက် ဖြစ်ပွားနေသဖြင့် နမ့်ယားကျေးရွာရှိ ပြည်သူများသည် ၂၀၂၅ ခုနှစ် ဧပြီလမှ ဇူလိုင်လ ၂ ရက်နေ့အထိ လယ်ယာ၊ တောထဲသို့ ထွက်ပြေးတိမ်းရှောင်ခဲ့ကြပါသည်။
ကချင်ပြည်နယ် ဒေသများတွင် စစ်ပွဲများကြောင့် ထွက်ပြေးတိမ်းရှောင်နေရသည့် ပြည်သူများအတွက် နိုင်ငံတကာ လူသားချင်းစာနာမှုအကူအညီများ ပိတ်ပင်တားမြစ်မှုမပြုလုပ်ဘဲ ထိရောက်စွာ ပေးအပ်နိုင်ရေး လိုအပ်ပါသည်။ ထို့အပြင် ပြည်သူများသည် မိမိတို့၏ ဘေးကင်းလုံခြုံစိတ်ချရသည့် နေရာများမရှိသောကြောင့် တိုက်ပွဲကြားတွင် ထွက်ပြေးတိမ်းနေရပါသည်။
အာဏာသိမ်းစစ်ကောင်စီ၏ အကြမ်းဖက်မှုများကြောင့် ပြည်သူလူထု ၃.၅ သန်းကျော် နေရပ်စွန့်ခွာရပြီး၊ လူဦးရေ သန်း ၂၀ နီးပါးသည် ထောက်ပံ့ကူညီမှု လိုအပ်နေပါသည်။ သို့သော် စစ်တပ်မှ လူသားချင်းစာနာမှုအကူအညီများကို ပိတ်ပင်တားမြစ်နေသည်ဟု ကုလသမဂ္ဂ လူ့အခွင့်ရေး မဟာမင်းကြီး၏ အစီရင်ခံစာတွင် ဖော်ပြထားပါသည်။
Photos: Nam Ya Buga Hkalup Hpung Facebook page