အကြမ်းဖက်စစ်ကောင်စီသည် ဗန်းမော်မြို့အတွင်း ပိတ်မိနေသည့် စစ်ရှောင်ပြည်သူများကို ပစ်မှတ်ထား၍ ၂၀၂၅ ခုနှစ် မေလ ၈ ရက်နေ့တွင် လေကြောင်းမှ တိုက်ခိုက်ခဲ့ပါသည်။ ပြည်သူလူထုကို ပစ်မှတ်ထား၍ ပြုလုပ်သည့် ဤတိုက်ခိုက်မှုကြောင့် ပြည်သူ ၃၀ ကျော် သေဆုံးခဲ့ရပြီး၊ လက်နက်ထိခိုက်ဒဏ်ရာရသူများလည်း ရှိခဲ့ပါသည်။
အကြမ်းဖက်စစ်ကောင်စီသည် ပြည်သူများကို သတ်ဖြတ်ခြင်း၊ ဖမ်းဆီးခြင်း၊ လူနေအိမ်များကို မီးရှို့ခြင်းနှင့် ရည်ရွယ်ချက်ရှိရှိ လေကြောင်းတိုက်ခိုက်မှုများဖြင့် သတ်ဖြတ်ခြင်း စသည့် လုပ်ရပ်များကို လူသားမျိုးနွယ်အပေါ် လူမျိုးတုံးသတ်ဖြတ်သည့် နည်းလမ်းဖြင့် စနစ်တကျ ဆောင်ရွက်နေပါသည်။
ဤလုပ်ရပ်များသည် အပြည်ပြည်ဆိုင်ရာ လူ့အခွင့်အရေးဥပဒေများနှင့် စစ်ဥပဒေများကို ပြင်းပြင်းထန်ထန် ဖောက်ဖျက်ဆဲဖြစ်ပါသည်။ မိမိတို့အဖွဲ့အစည်းသည် ဤအကြမ်းဖက်မှုများကို လုံးဝကန့်ကွက်ရှုတ်ချပါသည်။ ထို့အပြင် အကြမ်းဖက်စစ်ကောင်စီတပ်အား နိုင်ငံတကာစစ်ရာဇဝတ်ခုံရုံးမှ အမြန်ဆုံး တာဝန်ယူအရေးယူ ဆောင်ရွက်ပေးပါရန် တောင်းဆိုအပ်ပါသည်။
