ကချင်ပြည်နယ်သည် ၂၀၁၁ ခုနှစ် ဇွန်လ ၈ ရက်မှစ၍ မြန်မာ့တပ်မတော်နှင့် ကချင်လွတ်မြောက်ရေးတပ်မတော်ကြား တကျော့ပြန်စစ် ပြန်လည်ဖြစ်ပြီးနောက် ပြည်သူများ နေရပ်စွန့်ခွာခြင်း၊ လူ့အခွင့်အရေးချိုးဖောက်ခံရခြင်းများရှိကာ လုံခြုံမှု ကင်းမဲ့သည့် သေသဖြစ်သည်။
၂၀၁၁ ခုနှစ် ဖေဖော်ဝါရီလ ၁ ရက်နေ့၌ မြန့်မာတပ်မတော်မှ နိုင်ငံတော်အာဏာကို သိမ်းယူပြီးနောက် ကချင်ပြည်နယ်အတွင်း နေရာအနှံ့ စစ်မြေပြင်များ ကျယ်ပြန့်လာကာ လုံခြုံရေးအန္တရယ် ပိုမိုကြီးလာသည်။ စစ်ရေးလှုပ်ရှားမှုများ၊ ပစ်ခတ်ခိုက်မှုများ ပိုမိုပြင်ထန်လာပြီး အရပ်သားပြည်သူများအပေါ် လူ့အခွင့်အရေး ချိုးဖောက်မှုများပိုမိုဆိုးရွားလာသည်။ ထို့ပြင် စစ်ပွဲများအတွင်း လိုက်နာရမည့် နိုင်ငံတကာလူသားချင်းစားနာမှုဆိုင်ရာ ဥပဒေများကို ချိုးဖောက်ကာ အရပ်သား ပြည်သူတို့၏ အသက်၊ အိုးအိမ်၊ စည်းစိမ်းများကို ဖျက်ဆီးခြင်း၊ ကျူးလွန်ခြင်းများလည်း ပို၍ ဆိုးရွားလာသည်။
ထိုမျှမက ကချင်ပြည်နယ်အတွင်း ပြည်သူများအား လမ်းများပိတ်ခြင်း၊ ဖုန်းလိုင်း၊ အင်တာနက် လိုင်းများ ဖြတ်တောက်ခြင်း၊ ပိတ်ပင်တားဆီးခြင်းများ နေရာဒေသအလိုက် ပြုလုပ်လျက်ရှိသည်။
ထို့နောက် ၂၀၂၄ ခုနှစ်၊ ဇူလိုင်လ ၂၁ ရက်မှစ၍ လုံးဝဖြတ်တောက်ထားသည်။စက်တင်ဘာလမှစ၍ အချို့မြို့ကြီးများရှိ အချို့နေရာများတွင် ဖုန်းလိုင်းတစ်လိုင်းဖွင့်ပေးကာ အင်တာနက်လိုင်းများအား တစ်နာရီလျှင် ၁၀၀၀၀ ကျပ်မှ ၃၀၀၀၀ ကျပ်ခန့်အထိ ပေး၍ အသုံးပြုကြရသည်။
ဤအခြေအနေများကြောင့် ကချင်ပြည်နယ်ရှိ အရပ်သားပြည်သူများအပေါ် လူ့အခွင့်အရေးချိုးဖောက်မှု၊ ကျူးလွန်မှုများအား အများပြည်သူများ မသိရှိဘဲ တိတ်ဆိတ်နေသည်။ ထို့ကြောင့် ကချင်လူ့အခွင့်အရေးစောင့်ကြည့်ရေးအဖွဲ့က ကချင်ပြည်နယ်၌ ဖြစ်ခဲ့သော လူ့အခွင့်အရေး ချိုးဖောက်မှုများကို လက်လှမ်းမီသမျှ စနစ်တကျမှတ်တမ်းတင်ထားနိုင်ရန်နှင့် ၄င်းချိုးဖောက်မှုများကို အများပြည်သူများ သိရှိိနိုင်စေရန် ရည်ရွယ်၍ အချက်အလက်မှတ်တမ်းများကို ကောက်ယူပြုစုပြီး ဤအစီရင်ခံစာ အကျဉ်းအားရေးသားခြင်းဖြစ်သည်။
Burmese PDF file download: https://docs.google.com/uc?export=download&id=1g21G0Ft0ka4i4CuePa5bxEWBwgbn3B-q
English PDF file download: https://docs.google.com/uc?export=download&id=1Jx9nTyUJyNZILWOR9J40IcaNe2rvbfJi