အာဏာသိမ်း စစ်ကောင်စီတပ်က အရပ်သားပြည်သူ ၂၀ ဦးခန့်ကို ဗုံးကြဲသတ်ဖြတ်ခဲ့မှုအပေါ် သဘောထားထုတ်ပြန်ချက်

အာဏာသိမ်းစစ်ကောင်စီသည် ၂၀၂၅ ခုနှစ်၊ ဇန်နဝါရီလ၊ ၁၁ ရက်နေ့တွင် ကချင်ပြည်နယ်၊ တနိုင်းမြို့နယ်၊ လပူခရွှေမှော်နှင့် စန်လွန်ရွှေမှော်တွင် ဂျက်လေယာဉ်ဖြင့် ဗုံးကြဲတိုက်ခိုက်မှုကြောင့် ကလေးသူငယ်များအပါအဝင် ပြည်သူ (၂၀) ဦးခန့် သေဆုံးခဲ့ပြီး၊ ၁၀ ဦးခန့် ထိခိုက်ဒဏ်ရာရရှိခဲ့သည်။  ယခုကဲ့သို့ အာဏာသိမ်းစစ်ကောင်စီ၏ လုပ်ရပ်ကို မိမိတို့အဖွဲ့အစည်းမှ ကန့်ကွက်ရှုတ်ချသည်။  အာဏာသိမ်းစစ်ကောင်စီသည် ပြည်သူလူထုများအပေါ် လူသားမျိုးနွယ် ဖြစ်တည်မှုကို ရွည်ရွယ်ချက်ရှိရှိ ထပ်မံချိုးဖောက်လိုက်ခြင်းဖြစ်ပါသည်။
ထို့ကြောင့် အာဏာသိမ်းစစ်ကောင်စီသည်  ပြည်သူလူထုများအပေါ် ချိုးဖောက်ကျူးလွန်ခဲ့သည့် စစ်ရာဇဝတ်မှုများအတွက် အပြည်ပြည်ဆိုင်ရာ ရာဇဝတ်တရားရုံး (International Criminal Court – ICC)မှ အမြန်ဆုံး ထိရောက်စွာ အရေးယူဆောင်ရွက်ပေးရန် မိမိတို့ “ကချင်လူ့အခွင့်အရေး စောင့်ကြည့်ရေး   (KHRW)” အဖွဲ့အစည်းမှ တောင်းဆိုလိုက်ပါသည်။


For more information please contact:
• Mr. Jacob (Kachin Human Rights Watch – KHRW), Signal no. (+91) 8178375228.